Kæru Reykvíkingar, skiptum um orkusala strax!

Þó að ekki sparist nema 92 krónur að meðaltali á mánuði við að skipta um orkusala, þá missir OR miklu meira en 92 krónur af hverjum þeim viðskiptavin sem færir sig.

Þetta er eina leiðin fyrir okkur Reykvíkinga til að sýna óánægju okkar með þessar hækkanir í verki og ekki síst hvernig OR er að reyna að þvinga okkur til að halda áfram viðskiptum við þá með því að hækka flutninginn á raforkunni til okkar langt umfram það sem þörf er á.

Það getur vel verið að nýjum herrum sé vorkunn og þeim finnist að þeir eigi stórt verkefni framundan sem sé ekki þeim að kenna, en hvað með það, þetta er heldur ekki okkur að kenna og við eigum nú þegar nóg með þær almennu hækkanir og kjaraskerðingar sem yfir okkur hafa dunið fram að þessu.

Þetta er valdníðsla af síðust sort og þessir menn ættu að skammast sín allir með tölu, skiptum um orkusala strax í þessari viku og sýnum þeim að saman erum við stór og sterk.


mbl.is Samkeppniseftirlitið skoðar hækkanir OR
Tilkynna um óviðeigandi tengingu við frétt

Eins og í London

Er þá ekki hægt að selja hinum nýja Borgarstjóra Reykjavíkur aðgang að kerfinu og tengja við gagnagrunn Umferðarstofu.

Þá væri komin auðveld leið til að láta drauminn um tollhlið við bæjarmörkin að veruleika.

Ég myndi þá frekar labba yfir landamærin í sund og íþróttir og þá væri Gnarrinn farinn að hafa bein áhrif á heilsueflingu bæjarbúa.

Verður allt sem hann snertir að gulli? Ég bara spyr.


mbl.is Eftirlitsmyndavélar settar upp á Seltjarnarnesi
Tilkynna um óviðeigandi tengingu við frétt

Grautfúll skólastjórinn.....

..... hefði nú getað spurt hvaða ungling sem er eða foreldra hans hvort eitthvað sé að marka þessar áskorendasíður á Facebook.

Það er nú ekki eins og við búum við alvarlega hryðjuverka ógn af hendi samborgara okkar, það eru bara ráðamenn sem sjá um slíkt.

Það væri nú líka frekar líklegt að eitthvert annað skotmark en Melaskólinn yrði fyrir valinu ef einhver ætlaði sér eitthvað illt og myndi varla auglýsa það fyrirfram.

Þetta er bara vitleysa og illa farið með tíma lögreglu og þeirra fjármagn.

Skamm skólastjóri þú situr eftir og skrifar 1000 sinnum á töfluna
"ég er skrýtin skrúfa"


mbl.is Grátt gaman ungmennis
Tilkynna um óviðeigandi tengingu við frétt

Nýtt Ísland - nýjar leikreglur

Ok, ég get ekki skilið þetta öðruvísi en svo:

Ef ég svindla þá er það allt í lagi, ég þarf ekki að bæta skaðann bara lofa að gera þetta aldrei aftur.

Þetta er eins og í leikskólanum, og kannski réttilega!!!!


mbl.is Telur Símann brotlegan
Tilkynna um óviðeigandi tengingu við frétt

Vísitala ríkiskostnaðar

Hvaða rugl er nú þetta, það eru fáir að byggja aðrir en Ríkið og Sveitarfélögin um þessar mundir.

En enn skal haldið í gamlar reglur og hreinsunaraðgerðir sem ofangreindir hafa neyðst til að ráðast í gera því miður ekkert annað en að hækka leigu þeirra sem hafa ekki og virðast ekki í nánustu framtíð hafa efni á að byggja né kaupa húsnæði.

Þetta er nú bara skrípaleikur, sá virkilega engin af snillingunum sem eru á launum hjá okkur þetta fyrir.

Út með þetta lið og ráðum bara útlendinga með þor, þekkingu og reynslu í viðreisnina.


mbl.is Byggingarvísitala hækkar
Tilkynna um óviðeigandi tengingu við frétt

Þetta er alvöru maður

Búinn að vera harðduglegur, framsýnn og líka heppinn.

Snilldar vafri Opera er að mínu mati sá besti á markaðnum, gott að fá hann heim.

Nota bene: bloggarar, þessi skuldar okkur ekki neitt :)


mbl.is Gagnavinnsla Opera til Íslands
Tilkynna um óviðeigandi tengingu við frétt

Hvaða vitleysa, svona svona

Ekki fara alveg á límingunum þó að strákar ætli að fara að búa með srákum og stelpur með stelpum fyrir framan Guð.

Það þarf ekkert að aðgreina þessi pör frá okkur hinum með einhverjum nafngiftum.

Guð veit alveg að þau eru Hjón eins og við hin.


mbl.is Hjónar og hjónur
Tilkynna um óviðeigandi tengingu við frétt

Þetta er alveg rétt

Þetta er alveg rétt hjá Malcolm og kannski ættum við bara að leyfa mönnum að eiga það góða sem þeir gera líka.

Það er alveg klárt að Jón Ásgeir hefur haft rétta framtíðarsýn á margt sem hann gerði þó annað hafi verið miður gott.

Mér finnst skaði af því að hann segi af sér stjórnarsetu í félögum sem þurfa á því að halda að hafa hugmyndasmiðina innanborðs til að hámarka verðmæti fyrir kröfuhafa og aðra eigendur.


mbl.is Forstjóri Iceland hrósar Jóni Ásgeiri
Tilkynna um óviðeigandi tengingu við frétt

Kæri Sérstaki

Eftir langa yfirlegu yfir myndini sem fylgir þessari frétt þykist ég sjá að þessi risarotta sé Hr. Sigurður Einarsson, Ráðherrasonur frá Íslandi í frekar lélegu dulagerfi.

Vallabíurnar eru klárlega hjarðdýrin hans sem troða illa fengnu fé í magapokana sína og skottast í kringum rottuna sína.

Guleygi Gekkó-inn er svo auðvitað Al-Thaini kallinn, sem skrapp yfir til að ná í gullið sem hann fékk fyrir að svíkja íslenskan almenning.

Við skulum bara slíta stjórnmálasambandi við Indónesíu strax og segja þeim að þau geti átt þetta lið.


mbl.is Áður óþekkt risarotta
Tilkynna um óviðeigandi tengingu við frétt

Domino´s snilli

Biggi Bieldt er toppmaður á þessu sviði og enginn betri í þetta verkefni hjá þýskaranum, man þegar hann tók bransann með trompi hérna heima og bjó til milljarðafyrirtæki úr skyndibita fyrstur íslendinga.

Eitthvað var bransinn þó erfiðari í danaveldi enda danskurinn hrifinn af sínum tyrkjabúllum og sparar aurinn á kostnað gæðanna, en ég efast ekki um að þjóðverjar velja gæði framar verði í þessum bransa með réttri markaðssetningu og útibúa neti.

Gangi þér vel segi ég bara.

Verður reyndar fróðlegt að sjá hvaða uppskriftir ganga í Þýskalandi, Pizza með Svínahnakka og súrkáli kannski, eða Humlapizza með lífrænt ræktuðu byggi.


mbl.is Íslendingur stýrir Domino's í Þýskalandi
Tilkynna um óviðeigandi tengingu við frétt

Næsta síða »

Um bloggið

Pétur Ottesen

Höfundur

Pétur Ottesen
Pétur Ottesen
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (28.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband